(मुंबई प्रतिनिधी):- मराठी आणि हिंदी चित्रपटसृष्टीतील ज्येष्ठ अभिनेते नाना पाटेकर यांचे गुरुवारी (८ ऑक्टोबर) वयाच्या ७५व्या वर्षी निधन झाले. गोवा येथील त्यांच्या निवासस्थानी त्यांना गंभीर स्वरूपाचा कार्डियाक अरेस्ट आला. त्यानंतर वैद्यकीय पथकाने उपचाराचे प्रयत्न केले; मात्र त्यांना वाचवता आले नाही. त्यांच्या निधनाची पुष्टी त्यांचे पुत्र मल्हार पाटेकर यांनी केली आहे.
नाना पाटेकर यांनी आपल्या दमदार अभिनयाच्या जोरावर मराठी तसेच हिंदी चित्रपटसृष्टीत स्वतंत्र ओळख निर्माण केली. परिंदा, क्रांतिवीर, अग्निसाक्षी, अब तक छप्पन, वेलकम यांसह अनेक गाजलेल्या चित्रपटांमधील त्यांच्या भूमिका आजही प्रेक्षकांच्या स्मरणात आहेत. अभिनयासोबतच त्यांनी दिग्दर्शन क्षेत्रातही काम केले.
नाना पाटेकर यांना त्यांच्या उल्लेखनीय अभिनयासाठी तीन राष्ट्रीय चित्रपट पुरस्कारांसह विविध पुरस्कारांनी गौरविण्यात आले होते. २०१३ मध्ये त्यांना भारत सरकारचा पद्मश्री पुरस्कार प्रदान करण्यात आला. त्यांच्या निधनाने मराठी आणि हिंदी चित्रपटसृष्टीवर शोककळा पसरली असून, चाहत्यांकडून आणि कलाक्षेत्रातील व्यक्तींकडून श्रद्धांजली व्यक्त केली जात आहे.
