
पौड प्रतिनिधी:-
पुणे:- केंद्रीय मंत्री मा. मुरलीधर आण्णा मोहोळ यांच्या वाढदिवसाचे औचित्य साधून दुष्काळग्रस्त बांधवांना मदतीचा हात देण्यासाठी राबविण्यात येत असलेल्या सेवाभावी उपक्रमात पुणे महानगरपालिकेचे नगरसेवक दिलीप वेडे-पाटील यांनी सहभाग नोंदविला. यावेळी त्यांनी सामाजिक बांधिलकी जपत दुष्काळग्रस्तांच्या मदतीसाठी २ लाख रुपयांचा मदतनिधी धनादेशाद्वारे सुपूर्द केला.
समाजातील गरजू आणि संकटग्रस्त बांधवांना मदतीचा हात देणे ही प्रत्येकाची सामाजिक जबाबदारी आहे. अशा कठीण परिस्थितीत मदतीचा खारीचा वाटा उचलता येणे, हीच खऱ्या अर्थाने समाधानाची बाब असल्याची भावना दिलीप वेडे-पाटील यांनी व्यक्त केली.
सामाजिक उत्तरदायित्वाची जाणीव ठेवून भविष्यातही गरजू नागरिकांच्या मदतीसाठी विविध सेवाभावी उपक्रमांमध्ये सातत्याने योगदान देत राहणार असल्याचा निर्धार त्यांनी व्यक्त केला.





