वाकड (प्रतिनिधी)
पुणे : माण-हिंजवडी ते शिवाजीनगर मेट्रो मार्गिका क्रमांक ३ सुरू झाल्यानंतर प्रवाशांना मेट्रो स्थानकांपर्यंत पोहोचण्यासाठी पीएमपीएमएलकडून नवीन फीडर बस सेवा सुरू करण्यात आली आहे. ४ नोव्हेंबरपासून ११ नवीन बस मार्गांवर सेवा सुरू झाली असून एका विद्यमान मार्गाचा विस्तार करण्यात आला आहे.
महत्त्वाचे मुद्दे :
– पिंपरी मेट्रो स्थानक ते वाकड चौक मेट्रो स्थानकासाठी शटल बस सेवा.
– ताथवडे, पुनावळे, हिंजवडी आणि बालewाडी परिसराला मेट्रोची जोडणी.
– नवीन सेवांसाठी २२ बस थांबे निश्चित.
– दररोज ६२० बस फेऱ्यांचे नियोजन.
– आयटी कर्मचारी आणि मेट्रो प्रवाशांना प्रवासासाठी अधिक सुविधा मिळण्याची अपेक्षा.
मेट्रो आणि बस सेवांच्या एकत्रित वापरामुळे प्रवाशांचा प्रवास अधिक सुलभ होण्यास तसेच खासगी वाहनांवरील अवलंबित्व कमी होण्यास मदत होणार आहे.
